హౌసింగ్‌ మినిస్ట్రీకి సంబంధించి అన్ని వివరాలు అందరికీ అందుబాటులో ఉంచేలా మొబైల్‌ యాప్‌ని రూపొందించారు. ఇ గవర్నమెంట్‌ అథారిటీ సహకారంతో హౌసింగ్‌ మినిస్టర్‌ బషీమ్‌ అల్హామర్‌ 'హౌసింగ్‌ మినిస్ట్రీ అప్లికేషన్‌'ని ప్రారంభించారు. యాండ్రాయిడ్‌ అప్లికేషన్‌ని గూగుల్‌ ప్లే స్టోర్‌ ద్వారా వినియోగదారులు డౌన్‌లోడ్‌ చేసుకునే అవకాశాన్ని తొలి విడతగా కల్పించారు. ముందు ముందు అన్ని ఆపరేటింగ్‌ సిస్టమ్స్‌లో పనిచేసేందుకు వీలుగా యాప్‌ని డెవలప్‌ చేయనున్నట్లు అధికారులు వెల్లడించారు. ఇళ్ళు, అపార్ట్‌మెంట్‌లు, అలాగే తాత్కాలిక గృహాలు, ప్రొక్యూర్‌మెంట్‌, కన్‌స్ట్రక్షన్‌ మరియు రిపెయిరింగ్‌కి సంబంధించిన అంశాలు అన్నీ ఈ యాప్‌ ద్వారా సులభతరమవుతాయి. మినిస్ట్రీతో డైరెక్ట్‌గా ఛాటింగ్‌ చేసుకునే అవకాశమూ కల్పిస్తోంది ఈ యాప్‌. సంవత్సరానికి సుమారుగా 114,00 ఎంక్వయిరీ రిక్వెస్ట్‌లు మంత్రిత్వ శాఖ వద్దకు వస్తున్నాయనీ, ఇకపై వాటి సంఖ్య గణనీయంగా తగ్గడంతోపాటు, మినిస్ట్రీ అధికారులపైనా ఒత్తిడి తగ్గుతుందని మంత్రి మినిస్టర్‌ చెప్పారు.