సౌదీ అరేబియా: బార్బర్ షాపులు, సెలూన్లు, రెస్టారెంట్లు, కేఫ్ అలాగే ఫుడ్ ఔట్‌లెట్ కార్మికులకు తప్పనిసరిగా వ్యాక్సినేషన్ చేయించాలని మినిస్ట్రీ ఆఫ్ మునిసిపల్ మరియు రూరల్ ఎఫైర్స్ మరియు హౌసింగ్ పేర్కొంది.తద్వారా కరోనా వ్యాప్తిని చాలావరకు అరికట్టడానికి వీలవుతుందని అథారిటీస్ పేర్కొంటున్నాయి. కాగా, డెడ్‌లైన్ ముగిసేలోపు వ్యాక్సినేషన్ పొందనివారు ఏడు రోజులకోసారి పీసీఆర్ టెస్ట్ చేయించుకుని, నెగెటివ్ సర్టిఫికెట్ పొందాల్సి వుంటుంది. అయితే, ప్రతి ఏడు రోజులకు టెస్ట్ చేయించుకోవడం ఖరీదైన వ్యవహారం. కాగా, పవిత్ర రమదాన్ మాసంలో రెస్టారెంట్లు, టెంట్లు, హాల్స్ వంటి వాటిల్లో బఫే సర్వీసులను నిలిపివేస్తూ మినిస్ట్రీ ఆఫ్ టూరిజం ఆదేశాలు జారీ చేసింది.