మస్కట్:ఒమన్ సుల్తానేట్‌లో కరోనా వైరస్ కేసులు గణనీయంగా పెరుగుతున్నాయి. రాయల్ హాస్పిటల్ - ఇన్ఫెక్షియస్ డిసీజెస్ యూనిట్ హెడ్ డాక్టర్ ఫర్యాల్ అల్ లవాటి మాట్లాడుతూ, ప్రికాషనరీ మెజర్స్ పాటించకపోవడం వల్ల కేసులు పెరుగుతున్నట్లు చెప్పారు. ప్రతి ఒక్కరూ విధిగా ఫేస్ మాస్కులు ధరించాలని సూచించారు. సామాజిక కార్యక్రమాల్లో పెద్దయెత్తున జనం గుమికూడుతుండడం కేసుల పెరుగుదలకు కారణమని చెప్పారు. ఇతర దేశాల నుంచి వస్తోన్నవారు నిబంధనల్ని ఉల్లంఘించి వ్యవహరిస్తున్నారనీ, ఇనిస్టిట్యూషనల్ క్వారంటైన్ నిబంధన పాటించకపోవడం సమస్యకు కారణమని తెలిపారు.