కోవిడ్ ఎఫెక్ట్/సౌదీ : రెస్టారెంట్లు, హోటళ్లలో రమాదాన్ ఇఫ్తార్, సుహూర్ బఫేలను అనుమతించబోమని సౌదీ అరేబియా ప్రకటించింది. మసీదులలో పబ్లిక్ ఇఫ్తార్ కూడా పర్మిషన్ ఉండదని స్పష్టం చేసింది. రమాదాన్, ఈద్ అల్-ఫితర్ సెలవు రోజుల నేపథ్యంలో  కోవిడ్ వ్యాప్తి నియంత్రణలో భాగంగా ఈ నిర్ణయం తీసుకున్నట్లు అధికారులు స్పష్టం చేశారు. అయితే..పండగ దృష్ట్యా మాల్స్, షాపింగ్ సెంటర్లు 24 గంటల పాటు తెరిచి ఉంచేందుకు అనుమతిస్తున్నట్లు వెల్లడించారు. అలాగే ఈద్ ప్రార్థనల కోసం మరిన్ని మసీదులు, ప్రార్థన ప్రాంతాలను ఏర్పాటు చేయనున్నట్లు మంత్రిత్వ శాఖ తెలిపింది.