బహ్రెయిన్: రమదాన్ నేపథ్యంలో వ్యాక్సిన్ తీసుకోవడం ఎట్టి పరిస్థితుల్లోనూ ఉపవాసానికి ఇబ్బందికరం కాదని ఇస్లామిక్ ఎఫైర్స్ సుప్రీం కౌన్సిల్ స్పష్టం చేసింది. ఉపవాస సమయాల్లో వ్యాక్సిన్ తీసుకోవడం వల్ల ఉపవాసాలకు ఏమైనా ఆటంకం కలిగినట్లవుతుందా.? అని పలువురు ముస్లింలు వయక్తం చేసిన అనుమానాల నేపథ్యంలో సుప్రీం కౌన్సిల్ సమాధానమిచ్చింది. వ్యాక్సిన్ ఎలాంటి న్యూట్రిషనల్ కంటెంట్ కలిగి వుండదనీ, అది కండరాల్లోకి ఇంజెక్ట్ చేయబడుతుందని కౌన్సిల్ వెల్లడించింది. ప్రతి ఒక్కరూ వ్యాక్సిన్ వేసుకోవడం ద్వారా తమను, తమ కుటుంబాలను, ఇతరులను కోవిడ్ నుంచి కాపాడినట్లవుతుందని కౌన్సిల్ తెలిపింది.