కువైట్ సిటీ:సాద్ అల్ అబ్దుల్లా ప్రాంతంలో కొందరు ఉద్దేశపూర్వకంగా ఇళ్ళలోంచి బయటకు వచ్చి కర్ఫ్యూ నిబంధనల్ని ఉల్లంఘిస్తున్నారనీ, రోడ్లపై పరస్పరం దాడులకు దిగుతున్నారని అథారిటీస్ పేర్కొన్నాయి. ఈ నేపథ్యంలో కట్టుదిట్టమైన భద్రతా ఏర్పాట్లను ఆ ప్రాంతంలో చేశామని అధికారులు తెలిపారు. గ్యాంగ్ ఫైట్ చేసిన వారిని పట్టుకునేందుకు ప్రయత్నిస్తున్నామనీ, వారిలో ఇప్పటికే ముగ్గురు పోలీసులకు చిక్కారని అధికారులు వివరించారు. ఎట్టి పరిస్థితుల్లోనూ ఈ తరహా ఉల్లంఘనల్ని సహించేది లేదని అధికారులు హెచ్చరించారు.