హైదరాబాద్: యంగ్ హీరో నాగశౌర్య, రీతువర్మ జంటగా నటిస్తున్న సినిమా 'వరుడు కావలెను'. సితార ఎంటర్ టైన్ మెంట్స్ బ్యానర్ లో సూర్యదేవర నాగవంశీ నిర్మిస్తున్న ఈ మూవీతో లక్ష్మీసౌజన్య దర్శకురాలిగా పరిచయం అవుతున్నారు. ఇంతవరకూ వచ్చిన ఈ మూవీ ప్రచార చిత్రాలకు, లిరికల్ వీడియోకు చక్కని ఆదరణ లభించింది. తాజాగా  శ్రీరామ నవమిని పురస్కరించుని, సీతారాముల చెంత నాగశౌర్య కూర్చొని ఉన్న పోస్టర్ ను చిత్ర బృందం విడుదల చేసింది. హీరో నాగశౌర్య సైతం ఈ పోస్టర్ ను ట్వీట్ చేస్తూ తన అభిమానులకు శుభాకాంక్షలు తెలిపారు. నాగశౌర్య నటించిన 'లక్ష్య' మూవీ విడుదలకు సిద్ధంగా ఉండగా, 'వరుడు కావలెను' పోస్ట్ ప్రొడక్షన్ లో ఉంది. మరో రెండు మూడు సినిమాలు సైతం అండర్ ప్రొడక్షన్ లో వివిధ దశల్లో ఉన్నాయి. 'వరుడు కావలెను' సినిమా కథ,  కథనం, మాటలు, పాటలు, సన్నివేశాలు... వాటిలోని భావోద్వేగాలు ప్రేక్షకులను ఆకట్టుకుంటాయని చిత్ర దర్శకనిర్మాతలు చెబుతున్నారు.