కువైట్: పవిత్ర రమదాన్ మాసంలో, అదీ ఉపవాస సమయంలో బహిరంగంగా స్మోకింగ్ చేస్తూ ఓ కువైటీ వ్యక్తి పోలీసులకు పట్టుబడ్డాడు. నిందితుడు, పోలీసు అధికారులపై దాడికి యత్నించినట్లు కూడా అభియోగాలు మోపబడ్డాయి. బహిరంగ ప్రదేశాల్లో, అది కూడా ఉపవాస సమయంలో స్మోకింగ్ చేయవద్దని సూచిస్తే, నిందితుడు పోలీసు అధికారిపై దాడి చేసినట్లు పోలీసులు వెల్లడించారు. నిందితుడిపై రెండు కేసులు నమోదు చేశారు అధికారులు. రమదాన్ మాసంలో ఉపవాస సమయంలో బహిరంగంగా తినడం, స్మోకింగ్ చేయడం వంటివాటిపై నిషేధం వుంది. 100 కువైటీ దినార్ల వరకు జరీమానా, నెల రోజుల వరకు జైలు శిక్ష విధించే అవకాశం వుంది.