సౌదీ అరేబియా: మినిస్ట్రీ ఆఫ్ హజ్ మరియు ఉమ్రా వెల్లడించిన వివరాల ప్రకారం పవిత్ర రమదాన్ మాసంలో గ్రాండ్ మసీదుకు పిల్లలతోపాటు ఉమ్రా ప్రార్థనలకు వచ్చే తల్లిదండ్రులను అనుమతించేది లేదని తెలుస్తోంది. కాగా, ఉమ్రా ప్రార్థనల కోసం ఎతామామా మరియు తవకల్నా అప్లికేషన్ల ద్వారా అనుమతి పొందడంతోపాటు, రెండు దశల వ్యాక్సినేషన్ పూర్తయిన తర్వాత 14 రోజులు గడిచినవారికి మాత్రమే అనుమతినిస్తారు. కరోనా నుంచి కోలుకున్నవారికి సైతం అనుమతినిస్తారు. అనుమతి పొందినవారి వాహనాల్ని మాత్రమే మక్కా లోపలికి అనుమతినిస్తారు. నిర్ణీత సమయంలో మాత్రమే ఈ అనుమతులుంటాయి. 18 నుంచి 70 ఏళ్ళ వయసువారికి మాత్రమే ఉమ్రా ప్రార్థనల కోసం అనుమతినిస్తారు.