కువైట్ సిటీ: అత్య‌వ‌స‌ర చికిత్స కోసం వ‌చ్చే వారికి ఖ‌చ్చితంగా చికిత్స అందించాల్సిందేన‌ని కువైట్ ఆరోగ్య శాఖ ప్ర‌భుత్వ ఆస్ప‌త్రుల‌కు ఆదేశాలు జారీ చేసింది. ఎమ‌ర్జెన్సీ స‌మ‌యంలో ఏ కార‌ణాలు చూపి చికిత్స‌ను నిరాక‌రించొద్ద‌ని సూచించింది. చివ‌రికి ఐడీ కార్డులు లేకున్నా స‌రే ముందుగా చికిత్స అందించి ప్రాణాలు కాపాడే ప్ర‌య‌త్నం చేయాల‌ని స్ప‌ష్టం చేసింది. గ‌తంలో ఆంబులెన్స్ లో ఆస్ప‌త్రికి చేరుకున్న డొమ‌స్టిక్ కార్మికుడి ద‌గ్గ‌ర ఐడీ కార్డు లేద‌నే కార‌ణంతో ప్ర‌భుత్వ ఆస్ప‌త్రి వ‌ర్గాలు వైద్యానికి నిరాక‌రించిన విష‌యం తెలిసిందే. ఈ విష‌యం ప్ర‌భుత్వ దృష్టికి వెళ్ల‌టంతో స్పందించిన ఆరోగ్య శాఖ ఐడీ కార్డులు లేకున్నా ఎమ‌ర్జెన్సీ ట్రీట్మెంట్ అందించాల‌ని ఆదేశాలు జారీ చేసింది.