హైదరాబాద్: మైత్రీ మూవీ మేకర్స్‌ పతాకంపై కల్యాణ్‌రామ్‌ కథానాయకుడిగా ఓ చిత్రం తెరకెక్కుతోంది.  కల్యాణ్‌రామ్‌కి ఇది 19వ సినిమా. నవీన్‌ యెర్నేని, యలమంచిలి రవిశంకర్‌ నిర్మాతలుగా వ్యవహరిస్తుండగా.. ఈ సినిమాతో రాజేంద్ర దర్శకుడిగా పరిచయం అవుతున్నారు. కాగా ఈ సినిమాకి 'ఎమిగోస్‌' అనే టైటిల్ ను పరిశీలిస్తున్నట్టు తెలుస్తోంది. 'ఎమిగోస్‌' అంటే తెలుగులో స్నేహితులు అని అర్థం. ఈ చిత్రంలో కల్యాణ్‌రామ్‌ మూడు పాత్రల్లో కనిపిస్తారని ప్రచారం సాగుతోంది. ఇక ఇందులో కథానాయిక కోసం అన్వేషణ జరుగుతున్నట్లు తెలుస్తోంది. కాగా ఇప్పటివరకు నందమూరి హీరోలందరూ త్రిపాత్రాభినయం చేసిన సంగతి తెలిసిందే. తాజాగా కళ్యాణ్ రామ్ కూడా ఆ జాబితాలో చేరే అవకాశం కనిపిస్తోంది.