కువైట్ సిటీ: భార‌త్ కు త‌మ వంతు సాయంగా కువైట్లోని ఇండియ‌న్ క‌మ్యూనిటీ స‌పోర్ట్ గ్రూప్ 600 ఆక్సిజ‌న్ సిలిండ‌ర్ల‌ను పంపుతోంది. ఈ మేర‌కు ఆక్సిజ‌న్ సిలిండ‌ర్ల‌ను కువైట్లోని భార‌త రాయ‌బార కార్యాల‌యానికి ఐసీఎస్‌జీ అంద‌జేసింది. ఈ సిలిండర్ల‌ను భార‌త్ కు పంపించేందుకు అన్ని ఏర్పాట్లు చేసిన‌ట్లు..వారం రోజుల్లో భార‌త్ కు చేరుకోనున్న‌ట్లు వెల్ల‌డించింది. సెకండ్ వేవ్ ఉద్ధృతి ఎక్కువ‌గా ఉండ‌టంతో అంచ‌నాల‌కు మించి కోవిడ్ పేషెంట్లు ఆస్ప‌త్రికి ప‌రుగులు తీసిన విష‌యం తెలిసిందే. అయితే..అనూహ్య సంఖ్య‌లో కోవిడ్ పేషెంట్లు రావ‌టంతో ఆక్సిజ‌న్‌ సిలిండ‌ర్ల కొర‌త ఏర్ప‌డింది. దీంతో చాలామంది స‌రైన చికిత్స అంద‌క ఊపిరివ‌దిలారు. ఈ హృద‌య‌విదార‌క ప‌రిస్థితుల‌తో ప్రపంచ‌దేశాలు చ‌లించిపోయాయి. ఎవ‌రికి తోచిన సాయం వాళ్లు చేస్తున్నారు. 

--దివాకర్(మాగల్ఫ్ ప్రతినిధి,కువైట్)