రియాద్: జకత్, ట్యాక్స్ మరియు కస్టమ్స్ అథారిటీ, సౌదీ అరేబియా వచ్చే ట్రావెలర్స్ తప్పనిసరిగా 3,000 సౌదీ రియాల్స్ కంటే విలువైన (800 డాలర్స్) వస్తువుల కొనుగోలు వివరాలు వెల్లడించాలని స్పష్టం చేసింది. జిసిసి దేశాలకు సంబంధించి ఇది కామన్ కస్టమ్స్ చట్టం. కరెన్సీలు, జ్యయెలరీ, విలువైన మెటీరియల్స్ (60,000 సౌదీ రియాల్స్ ఆ పైబడినవి), నిషేధిత వస్తువులు (సిగరెట్స్, టొబాకో ఉత్పత్తులు) వంటివాటిపైనా వివరణ ఇవ్వాల్సి వుంటుంది. ఎలక్ట్రానిక్ విధానం ద్వారా ట్రావెలర్స్ డిక్లరేషన్ అప్లికేషన్ పూర్తి చేయాలి. జకత్, ట్యాక్స్ మరియు కస్టమ్స్ అథారిటీ వెబ్ సైట్ (http://www.customs.gov.sa) ద్వారా కూడా డిక్లరేషన్ ఇవ్వొచ్చు. సీజ్ చేసిన వస్తువులపై 25 శాతం జరీమానా చెల్లించాల్సి వుంటుంది. రిపీట్ అయితే 50 శాతం వరకు జరీమానా తప్పదు.