మే 13 నుంచి తమ విమానాలన్ని 100 శాతం వ్యాక్సినేటెడ్ సిబ్బందితో నిర్వహించనున్నట్లు గల్ఫ్ ఎయిర్ సగర్వంగా ప్రకటించింది. యాధృచ్చికంగా ఈద్ అల్ ఫితర్ తొలి రోజునే తాము ఈ ఘనత సాధించటం మరో విశేషమని గల్ఫ్ ఎయిర్ అధికారులు వెల్లడించారు. తమ సిబ్బంది ఆరోగ్య సంరక్షణతో పాటు ప్రయాణికులకు భరోసా ఇవ్వటంలో గల్ఫ్ ఎయిర్ ఎప్పటికప్పుడు తగిన చర్యలు తీసుకుంటూ వస్తోందిని అన్నారు. ఇందులో భాగంగా తమ సిబ్బందికి 2020 డిసెంబర్ నుంచే వ్యాక్సిన్ ఇవ్వటం ప్రారంభించామన్నారు. పైలెట్లు, ఇతర సహాయక సిబ్బంది అందరికీ వ్యాక్సిన్ అందించామన్నారు. ప్రపంచంలోనే వందకు వంద శాతం వ్యాక్సినేటెడ్ క్రూతో సర్వీసులు నిర్వహిస్తున్న తొలి విమానయాన సంస్థ తమదేనని గల్ఫ్ ఎయిర్ చెబుతోంది.