యూఏఈ: యూఏఈ లో 12-15 ఏళ్ల పిల్లలకూ ఫైజర్‌ వ్యాక్సిన్ ఇవ్వ‌డానికి ఆమోదం తెలిపింది. ఈ మేర‌కు ఆరోగ్య‌శాఖ.. ఫైజ‌ర్‌-బ‌యోఎన్‌టెక్ సంయుక్తంగా రూపొందించిన క‌రోనా వ్యాక్సిన్ ను 12-15 ఏళ్ల పిల్లల కోసం అత్య‌వ‌స‌ర వినియోగానికి ఆమోదం తెలుపుతూ ఉత్త‌ర్వులు జారీ చేసింది. జాతీయ వ్యాక్సిన్ ప్ర‌ణాళిక సంఘం సూచ‌న‌తో పాటు ట్ర‌య‌ల్స్‌లో ఈ వ్యాక్సిన్ చూపిన ప్ర‌భావం, సామ‌ర్థ్యం ఆధారంగా వినియోగానికి అంగీక‌రించినట్లు ఆరోగ్య‌శాఖ వెల్ల‌డించింది. ఈ నిర్ణ‌యం మ‌హ‌మ్మారి నుంచి 12-15 ఏళ్ల పిల్లలను ర‌క్షించేందుకు ఉప‌యోగ‌ప‌డుతుంద‌ని పేర్కొంది.ఇక ఇటీవ‌ల క‌రోనాపై పోరులో భాగంగా అబుధాబి ఆరోగ్య‌శాఖ‌, అబుధాబి ప‌బ్లిక్ హెల్త్ సెంట‌ర్‌(ADPHC), దుబాయ్ హెల్త్ అథారిటీ(DHA) సంయుక్తంగా దేశ‌వ్యాప్తంగా నివాసితులు, దేశ పౌరుల కోసం ఉచిత వ్యాక్సిన్ కార్య‌క్ర‌మాన్ని నిర్వ‌హించింది.