సౌదీ అరేబియా: సౌదీ అరేబియన్ ఎయిర్ లైన్స్ (సౌదియా), అంతర్జాతీయ విమానాల్ని పూర్తి సామర్థ్యంతో నడిపేందుకు అన్ని ముందస్తు జాగ్రత్త చర్యలూ తీసుకుంటున్నామని, ఈ విషయంలో పూర్తి సన్నద్ధంగా వున్నామని వెల్లడించింది. పౌరులకు సంబంధించి తాత్కాలిక అంతర్జాతీయ ట్రావెల్ బ్యాన్ ఎత్తివేస్తున్న దరిమిలా, సౌదియా గత కొన్ని రోజులుగా సన్నాహక చర్యలు ప్రారంభించింది పూర్తి స్థాయిలో విమానాలు నడిపేందుకోసం. భూ, జల, వాయు మార్గాలను పూర్తిగా తెరచి, రవాణాకి అనుమతిస్తున్నారు నేటి నుంచి 95 విమానాశ్రయాల నుంచి 71 గమ్యస్థానాలకు (28 డొమెస్టిక్, 43 అంతర్జాతీయ) విమానాలు నడపనుంది సౌదీ అరేబియా.