కువైట్: కువైట్ ప్రభుత్వం చేపట్టే ఆర్ధిక సంస్కరణలు మధ్య, దిగువ మధ్య తరగతిపై ఎలాంటి దుష్ఫ్రభావం ఉండబోదని ఆర్ధిక మంత్రి ఖలీఫా హమేద్ స్పష్టం చేశారు. పార్లమెంట్ సమావేశాల్లో ఆర్ధిక సంస్కరణలపై జరిగిన చర్చ సందర్భంగా మంత్రి ఈ విషయాన్ని వెల్లండించారు. ఆర్ధిక సంస్కరణల ప్రణాళికలో దిగువ, మధ్య తరగతి ఆదాయం ఉన్న కుటుంబాలపై ఎలాంటి భారం వేయటం లేదని..పైపెచ్చు పౌరులపై ప్రత్యక్ష పన్నులు, ఆదాయ పన్నులు విధించాలనే ఉద్దేశం తమకు లేదని స్పష్టం చేశారు. అందువల్ల ప్రభుత్వ ఆర్ధిక సంస్కరణలు దిగువ, మధ్య తరగతి కుటుంబాలు ప్రభావితమయ్యే అవకాశమే లేదని వివరించారు. ప్రజా సంస్థల పునర్నిర్మాణం, పౌరుల మూలధనం మెరుగుదలే లక్ష్యంగా ఓ స్థిరమైన కార్యచరణతో ప్రభుత్వం అడుగులు వేస్తోందన్నారు.