సౌదీ అరేబియా: క్లయింట్ల తరఫున డొమెస్టిక్ వర్కర్ల నియామకం చేపట్టే ఆయా సంస్థలు, ఇన్స్యూరెన్స్ సౌకర్యం తప్పనిసరిగా కల్పించాలని కౌన్సిల్ ఆఫ్ మినిస్టర్స్ తీర్మానించడం జరిగింది. అటు యజమాని, ఇటు కార్మికుల హక్కులు పరిరక్షించేలా ఈ ఇన్స్యూరెన్స్ కవర్ వుండాలి. వర్చువల్ విధానం ద్వారా జరిగిన క్యాబినెట్ సమావేశంలో ఈ నిర్ణయం తీసుకున్నారు. రెండేళ్ళ తర్వాత ఇన్స్యూరెన్స్ అనేది యజమానికి ఆప్షనల్ అవుతుంది (వర్కర్ రెసిడెన్సీ రెన్యువల్ నేపథ్యంలో). హ్యూమన్ రిసోర్సెస్ మరియు సోషల్ డెవలప్మెంట్ మినిస్టర్ అహ్మద్ అల్ రాజి, క్యాబినెట్ నిర్ణయాన్ని స్వాగతించారు. డొమెస్టిక్ లేబర్ మార్కెట్ రిస్కుల్ని ఈ నిర్ణయం తగ్గిస్తుంది.