సౌదీ: వ్యాక్సినేషన్ ప్రోగ్రాంను విజయవంతంగా నిర్వహిస్తున్న కింగ్డమ్ ప్రభుత్వం...దేశంలో తిరిగి సాధారణ పరిస్థితులను నెలకొల్పే దిశగా అడుగులు వేస్తోంది. ఇందులో భాగంగా వినోద కార్యక్రమాల నిర్వహణకు పునరుద్ధరించనున్నట్లు ప్రకటించింది. అయితే..ఎంటర్టైన్మెంట్ ఈవెంట్లకు, కోవిడ్ వ్యాక్సిన్ కు లింక్ పెట్టింది ప్రభుత్వం. కోవిడ్ మహమ్మారి వ్యాప్తిని నియంత్రించేందుకు కేవలం వ్యాక్సిన్ తీసుకున్న వారికి మాత్రమే వినోద కార్యక్రమాలకు అనుమతివ్వనున్నట్లు స్పష్టం చేసింది. అలాగే ఈవెంట్ వేదిక పూర్తి సామర్ధ్యంలో 40 శాతం మందికే అనుమతి ఇవ్వనున్నట్లు వెల్లడించింది.