యూఏఈ: యూఏఈలో అర్హులైన ప్రజల్లో (16 ఏళ్లు అంతకుపైబడిన వయసువారు) 81% మందికి వ్యాక్సినేషన్ పూర్తి చేసింది యూఏఈ. కోవిడ్ వ్యాక్సినేషన్ ప్రొగ్రాంపై వీక్లీ రీవ్యూ నిర్వహించిన అధికారులు ఈ విషయాన్ని వెల్లడించారు. 60 ఏళ్ల వయసుకు మించిన వారిలో 92.35% మందికి వ్యాక్సిన్ అందినట్లు వివరించారు. రానున్నరోజుల్లో వ్యాక్సినేషన్ ప్రొగ్రాంను మరింత ముమ్మరం చేస్తామన్నారు. 12-15 మధ్య వయస్కులకు వ్యాక్సిన్ అందించేందుకు క్లినికల్ ట్రయల్స్ ఫలితాలను నిశితంగా పరిశీలిస్తున్నట్లు వెల్లడించారు. ఇదిలాఉంటే..కోవిడ్ ట్రీట్మెంట్లో భాగంగా సోట్రోవిమాబ్-విఐఆర్ ఔషధానికి అత్యవసర ఆమోదం తెలిపిన యూఏఈ..కోవిడ్ చికిత్సలో సోట్రోవిమాట్ ప్రభావంతంగా పని చేస్తోందన్నారు. సోట్రోవిమాట్ తో కోవిడ్ పేషెంట్లు త్వరతగతిన కోలుకోవటంతో పాటు మరణాల రేటును 85% వరకు తగ్గిందని అధికారులు తెలిపారు. అయితే..సోట్రోవిమాట్ డ్రగ్ కేవలం కోవిడ్ చికిత్స కోసమేగానీ, వ్యాక్సిన్ కు ప్రత్యామ్నాయం కాదని వివరించారు.