కువైట్ సిటీ: వర్క్ పర్మిట్లకు సంబంధించి యాజమాన్యాలు స్థానిక ఆర్ధిక సంస్థలకు జీతాల బదిలీ సర్టిఫికెట్ సమర్పించాలన్న నిర్ణయం ప్రస్తుతానికి వాయిదా పడింది. ఈ మేరకు మానవ వనరుల డైరెక్టరేట్ జనరల్ ఓ సర్క్యూలర్ జారీ చేశారు. కొత్తగా వర్క్ పర్మిట్లు ఇవ్వాలన్నా, రెన్యూవల్ చేయాలన్నా, బదిలీ చేయాలన్నా సిబ్బంది శాలరీ ట్రాన్స్ ఫర్ సర్టిఫికెట్లను దరఖాస్తుతో జత పర్చాలని గతంలో నిర్ణయించిన విషయం తెలిసిందే. అయితే..జీతాల బదిలీ సర్టిఫికెట్ తో వర్క్ పర్మిట్ల లింక్ ను కొద్దికాలం వాయిదా వేస్తున్నట్లు మానవ వనరుల శాఖ స్పష్టత ఇచ్చింది. తదుపరి ఉత్తర్వ్యులు వచ్చే వరకు శాలరీ ట్రాన్స్ ఫర్ సర్టిఫికెట్లతో సంబంధం లేకుండానే యాజమాన్యాలు కొత్త వర్క్ పర్మిట్లతో పాటు వర్క్ పర్మిట్ల బదిలీ, రెన్యూవల్ చేసుకోవచ్చు.