ఒమన్: కోవిడ్ 19 వ్యాక్సిన్ కోసం అప్లై చేసుకున్న అన్ని కంపెనీలకు ఖచ్చితంగా వ్యాక్సిన్ అందుతుందని ఒమన్ వైద్య ఆరోగ్య మంత్రిత్వ శాఖ హామీ ఇచ్చింది. 60 మంది కంటే తక్కువ సిబ్బంది ఉన్న కంపెనీలకు వ్యాక్సిన్ సరఫరా ఉండదని సోషల్ మీడియాలో ప్రచారం జరుగుతున్న విషయం తెలిసిందే.  అయితే..సోషల్ మీడియాలో జరుగుతున్న ప్రచారంలో వాస్తవం లేదని కొట్టిపారేసింది. వ్యాక్సినేషన్ ప్రక్రియలో భాగంగా లైసెన్స్ పొందిన అన్ని ఆరోగ్య సంస్థలకు ఒప్పందం మేరకు వ్యాక్సిన్ అందిస్తామని హెల్త్ మినిస్ట్రి స్పష్టత ఇచ్చింది.