కువైట్‌ ఎయిర్‌వేస్‌ కొత్త బ్యాగేజీ పాలసీని ప్రకటించింది. 'బ్యాగేజ్‌ మేడ్‌ సింపుల్‌' పేరుతో ప్రకటించిన ఈ పాలసీ, విమాన ప్రయాణీకులకు కొంత ఊరటగానే చెప్పాలి. ఫస్ట్‌ క్లాస్‌ ప్రయాణీకులకు మేగ్జిమమ్‌ బ్యాగేజీ అనుమతి 64 కేజీలకు పెంచారు. ఇది గతంలో 40 కేజీలుగా ఉంది. ఒక్కో బ్యాగేజీ 32 కిలోల చొప్పున, రెండు బ్యాగ్‌లకు అనుమతిస్తారు. బిజినెస్‌ క్లాస్‌ ప్రయాణీకులకు ఒక్కో బ్యాగేజీ బరువు 23 కిలోల చొప్పున రెండు బ్యాగ్‌లకుగాను 46 కిలోల వరకు అనుమతించనున్నారు. ఇది గతంలో 30 కేజీలదాకా ఉంది. ఎకానమీ క్లాస్‌లో అమెరికాకి వెళ్ళడం లేదా అమెరికా నుంచి రావడం చేసేవారికి ఒక్కో బ్యాగేజీకి బరువు 23 కిలోలుగా నిర్ధారించారు. రెండు బ్యాగ్‌లను తీసుకెళ్ళవచ్చు. ప్రమోషనల్‌ ఆఫర్‌లో భాగంగా అదనంగా మరో 23 కిలోల బ్యాఞగేజీని ఏప్రిల్‌ 30 వరకు అనుమతిస్తారు. అయితే ఇది అమెరికాకి వెళ్ళే లేదా వచ్చే ప్రయాణీకులకు వర్తించదు. ఒయాసిస్‌ గోల్డ్‌ మెంబర్స్‌ 23 కిలోల ఎక్స్‌ట్రా బ్యాగ్‌ ఎలవెన్స్‌ పొందగలరు. ఇన్‌ఫ్యాంట్స్‌ కూడా 10 కిలోల బ్యాగ్‌కి అనుమతించబడ్తారు.