దుబాయ్: ఆర్టీఏ సేవలను ఒక్కోటిగా ఆన్ లైన్ చేస్తూ వస్తున్న దుబాయ్ ఆర్టీఏ..ఇప్పుడు డ్రైవింగ్ లైసెన్సింగ్ కు సంబంధించి మూడు రకాల సేవలను ఆన్ లైన్ పరిధిలోకి తీసుకొచ్చింది.డ్రైవింగ్ లైసెన్స్ రెన్యూవల్,పోయిన,డ్యామేజ్ అయిన డ్రైవింగ్ లైసెన్స్ ల స్థానంలో కొత్త లైసెన్స్ జారీ, డ్రైవర్లకు ఎక్స్ పీరియన్స్ సర్టిఫికెట్ల జారీ సేవలను ఇకపై పూర్తి ఆన్ లైన్ చేస్తున్నట్లు ప్రకటించింది.మిడ్ జూన్ ఈ మూడు సేవలు కేవలం ఆన్ లైన్ కే పరిమితం కానున్నాయి.లైసెన్స్ రెన్యూవల్, రిప్లేస్మెంట్,డ్రైవర్ ఎక్స్ పీరియన్స్ సర్టిఫికెట్ కోసం దుబాయ్ ఆర్టీఏ యాప్ లేదా ఆర్టీఏ వెబ్ సైట్ http://www.rta.ae ద్వారా దరఖాస్తు చేసుకోవాల్సి ఉంటుంది.ఆర్టీఏ ఆన్ లైన్ సేవల వల్ల రెండు రోజులు పట్టే పనులు కేవలం 15 నిమిషాల్లో పూర్తి అవుతుంది. అంతేకాదు నాలుగుసార్లు ఆర్టీఏ ఆఫీసుకు వెళ్లాల్సిన అవసరం ఉండేది.కానీ, ఇప్పుడు అంతా ఆన్ లైన్లోనే పూర్తి చేయవచ్చు. 

--బాలాజీ(మాగల్ఫ్ ప్రతినిధి,యూఏఈ)