బహ్రెయిన్: హై క్రిమినల్ కోర్టు, ఓ బహ్రెయినీ వ్యక్తికి మూడేళ్ళ జైలు శిక్ష విధించింది. నిందితుడు రెండు కార్లను దొంగిలించి, వాటి టైర్లను పాడు చేశాడు. ఇలాంటి కేసులోనే ఏడాది క్రితం ఆ వ్యక్తి దోషిగా తేలాడు. ఓ వ్యక్తి ఫార్మసీ ముందు కారుని ఆపగా, అదను చూసి నిందితుడు ఆ కారుని దొంగిలించాడు. ఇలా రెండు కార్లను నిందితుడు దొంగిలించాడు. ఆ తర్వాత ఆ కార్లను స్వాధీనం చేసుకున్నారు అధికారులు. అయితే, నిందితుడు ఆ కార్లను ధ్వంసం చేసినట్లుగా విచారణలో తేలింది. రెండు కార్లపైనా నిందితుడి వేలి ముద్రల్ని గుర్తించారు. గతంలో నిందితుడికి ఆరు నెలల జైలు శిక్ష విధించగా, ఆ తర్వాత మళ్ళీ అదే నేరానికి పాల్పడినందున ఈసారి శిక్ష మరింత ఎక్కువ కాలానికి పడింది.