యూఏఈ: యూఏఈలోని లీడింగ్ హైపర్ మార్కెట్ లులు గ్రూప్ తమ వినియోగదారులకు ఉచితంగా ఆర్టీ పీసీఆర్ టెస్ట్ నిర్వహించనున్నట్లు ప్రకటించింది. అబుధాబి ప్రజలు షాపింగ్ మాల్స్, పబ్లిక్ ప్లేసులకు వెళ్లాలంటే అల్ హోస్న్ యాప్ లో గ్రీన్ పాస్ తప్పనిసరి చేసిన విషయం తెలిసిందే. అల్ హోస్న్ యాప్ లో గ్రీన్ పాస్ ప్రోటోకాల్ కు అనుగుణంగా తమ వినియోగదారులకు ఉచితంగా పీసీఆర్ టెస్ట్ నిర్వహిస్తున్నట్లు లులు గ్రూప్ మార్కెటింగ్&కమ్యూనికేషన్ డైరెక్టర్ వీ.నందకుమార్ తెలిపారు. తమ స్టోర్స్ కు వచ్చే వినియోగదారుల ఆరోగ్య భద్రతతో పాటు గ్రీన్ పాస్ ప్రోటోకాల్ ఉల్లంఘన జరగకుండా ప్లాన్ చేసినట్లు వివరించారు.