యూఏఈ: యూఏఈ కరోనా వైరస్ ఫోన్ అప్లికేషన్ విషయంలో తలెత్తిన సమస్యను సరిదిద్దేందుకు అథారిటీస్ సుదీర్ఘంగా పనిచేస్తున్నాయి. హోస్న్ యాప్ కొందరికి కొన్ని సమస్యలను చూపిస్తోంది. నేషనల్ ఎమర్జన్సీ క్రైసిస్ మరియు డిజాస్టర్ మేనేజ్మెంట్ అథారిటీ, ఈ సమస్య పట్ల క్షమాపణ తెలపడం జరిగింది. సమస్యను సరిదిద్దేందుకు అహర్నిశలూ శ్రమిస్తున్నట్లు అథారిటీస్ పేర్కొన్నాయి. ప్రభుత్వ హెల్త్ పోర్టల్ వెకాయా, వినియోగదారులకు యాప్ అప్డేట్ చేసుకోవాల్సిందిగా సూచించింది. అబుదాబీ పౌరులు హోస్న్ యాప్ ద్వారా తమ గ్రీన్ స్టేటస్ చూపించాల్సి వుంటుంది పబ్లిక్ ప్రాంతాల్లోకి వెళ్ళేందుకు. మాల్స్, సూపర్ మార్కెట్లు, జిమ్ అలాగే బార్లు మరియు రెస్టారెంట్లకు వెళ్ళేందుకు గ్రీన్ స్టేటస్ చూపించడం తప్పనిసరి. అయితే కొందరు వినియోగదారులు, ఈ వెర్షన్ యాక్సెస్ కాకపోవడంతో ఇబ్బందులు పడ్డారు.