హైద‌రాబాద్‌: శంషాబాద్ అంత‌ర్జాతీయ విమ‌నాశ్ర‌యంలో గ్యాస్ లీకేజీ ఘ‌ట‌న క‌ల‌క‌లం సృష్టించింది.ఎయిర్‌పోర్ట్‌లో గ్యాస్ లీక్ కావ‌డంతో.. ఊపిరాడ‌క ముగ్గురు వ్య‌క్తులు స్పృహ‌ కోల్పోయారు.ఆ ముగ్గురు వ్య‌క్తుల‌ను విమానాశ్ర‌య సిబ్బంది వెంట‌నే  విమ‌నాశ్ర‌యంలోని అపోలో ఆస్ప‌త్రికి త‌ర‌లించారు.ఆస్ప‌త్రిలో చికిత్స పొందుతూ న‌ర్సింహారెడ్డి(42) అనే వ్య‌క్తి మృతి చెందాడు.మ‌రో ఇద్ద‌రు వ్య‌క్తులు జాకీర్, ఇలియాస్ సురక్షితంగా ఉన్నారు. గ్యాస్ పైప్ లీక్ కావ‌డంతో ప్ర‌మాదం జ‌రిగిన‌ట్టు శంషాబాద్ డి.సి.పి ప్రకాష్ రెడ్డి తెలిపారు.