కువైట్ సిటీ: కోవిడ్ నేపథ్యంలో విదేశీయులను దేశంలోకి రాకుండా ట్రావెల్ బ్యాన్ విధించిన కువైట్..ఎట్టకేలకు వైద్య రంగంలో సేవలు అందించే విదేశీయుల ఎంట్రీకి అనుమతి ఇచ్చింది. ఈ మేరకు కోవిడ్ 19 ఎమర్జెన్సీ కమిటీ విదేశీ మెడికల్ స్టాఫ్ కు కొత్త వీసాలు జారీ చేసేందుకు ఆమోదం తెలిపింది. ప్రస్తుతం తీసుకున్న నిర్ణయంతో  మెడికల్, నర్సింగ్, టెక్నికల్, అడ్మినిస్ట్రేటివ్ విభాగాల్లో ఉపాధి పొందుతున్న సిబ్బందికి కువైట్ చేరుకునేందుకు అడ్డంకులు తొలిగిపోనున్నాయి. అయితే..వైద్య రంగం మినహా ఇతర దేశాల వారికి దేశంలోకి అనుమతి లేదని, వారిపై ప్రయాణ ఆంక్షలు యథావిధిగా కొనసాగుతాయని స్పష్టం చేసింది.