సౌదీ: సౌదీకి చెందిన కింగ్ అబ్ధల్లాజీజ్ వర్సిటీ ప్రపంచవ్యాప్తంగా తన సత్తా చాటుకుంది. యూనైటెడ్ స్టేట్స్ లో ఏకంగా 71 పేటెంట్లను సాధించి ప్రపంచంలోని టాప్ 100 వర్సిటీ లిస్టులో 33వ స్థానాన్ని దక్కించుకుంది. గతేడాదితో పోలిస్తే 49 స్థానాలు ఎగబాగి ఈసారి 33వ స్థానంలో నిలిచింది. ఈ అత్యున్నత జాబితాలో చేరిన తొలి ఏడాదిలోనే వివిధ విభాగాల్లో 34 పేటెంట్లు సాధించి 82వ స్థానంలో నిలిచిన కింగ్ అబ్ధల్లాజీజ్ వర్సిటీ అతి తక్కువ సమయంలోనే 33వ స్థానానికి చేరుకోవటం విశేషం. ఇది పురోగతి వర్సిటీ నాణ్యత ప్రమాణాలకు నిదర్శనంగా నిలుస్తోంది. ఈ సారి సాధించిన 71 పేటెంట్లలో ఆరోగ్య సంరక్షణ రంగంలో 27 పేటెంట్లు, అభివృద్ధి పరిశ్రమల రంగంలో 22, సహజ వనరుల అభివృద్ధిలో 18, కృత్రిమ మేధస్సు, సమాచార సాంకేతిక పరిజ్ఞానంలో నాలుగు పేటెంట్లు ఉన్నాయి. 

--జయ(మాగల్ఫ్ ప్రతినిధి,సౌదీ అరేబియా)