రియాద్: సౌదీ అరేబియాలో మంగళవారం అత్యధికంగా కేసులు నమోదయ్యాయి. 2020, ఆగస్ట్ 13 తర్వాత ఈ స్థాయిలో గరిష్టంగా కేసులు నమోదవడం ఇదే తొలిసారి. అథారిటీస్ వెల్లడించిన వివరాల ప్రకారం 1,479 కరోనా పాజిటివ్ కేసులు నమోదయ్యాయి. మొత్తం కోవిడ్ కేసుల సంఖ్య ఇప్పటిదాకా 476,882గా వుంది. తాజాగా 12 మరణాలు నమోదయ్యాయి. దాంతో ఇప్పటిదాకా నమోదైన మరణాల సంఖ్య 7,703కి చేరింది. మక్కాలో అత్యధికంగా 431 కేసులు నమోదయ్యాయి. కాగా, 920 మంది కరోనా నుంచి నిన్న ఒక్క రోజే కోలుకున్నారు. దాంతో మొత్తం ఇప్పటిదాకా కోలుకున్నవారి సంఖ్య 458,048గా వుంది.