బహ్రెయిన్: బహ్రెయిన్ మాదకద్రవ్యాల నియంత్రణ విభాగం అధికారులు నిర్వహించిన ఆపరేషన్ లో భారీగా మత్తుపదార్ధాలను స్వాధీనం చేసుకున్నారు. దాదాపు BD 96,000 విలువ చేసే కిలో షాబును స్వాధీనం చేసుకున్నట్లు అధికారులు వివరించారు. ఈ కేసులో 8 మందిని అరెస్ట్ చేశారు. అరెస్టైన వాళ్లంతా అసియా దేశాలకు చెందిన వారిగా గుర్తించినట్లు, నిందితుల వయసు 19 నుంచి 42 ఏళ్లలోపు అని తెలిపారు. పక్కా సమాచారంతో ఓ పథకం ప్రకారం వలపన్ని స్మగ్లర్లను అరెస్ట్ చేశామని, వారిపై చట్టపరమైన చర్యల కోసం కేసును పబ్లిక్ ప్రాసిక్యూషన్ కు తరలించినట్లు అధికారులు వెల్లడించారు.