ఒమన్: ఒమన్ సందర్శించే పర్యాటకులకు, ఇతర దేశాల నుంచి తిరిగి వచ్చే పౌరులకు క్వారంటైన్, కోవిడ్ టెస్ట్ నిబంధనల్లో ఎలాంటి మినహాయింపులు లేవని ఆరోగ్య శాఖ వెల్లడించింది. దేశంలోకి వచ్చే వారు వ్యాక్సిన్ పొందినా కూడా క్వారంటైన్, పీసీఆర్ టెస్ట్ చేయించుకోవాల్సిందేనని క్లారిటీ ఇచ్చింది.  ప్రోటోకాల్ మార్పులకు సంబంధించి సుప్రీం కమిటీ ఎలాంటి ఆమోదం తెలుపలేదని..దీంతో సుల్తానేట్లోకి వచ్చే వాళ్లందరికీ ఒకే తరహా కోవిడ్ ప్రోటోకాల్ పాటించనున్నట్లు తెలిపింది. దీంతో ఒమనీ పౌరులకు ముందుగా కోవిడ్ టెస్ట్ నిర్వహించి, హోం క్వారంటైన్ కు అనుమతించనున్నారు. ఇక విదేశీ పర్యాటకులు, ప్రవాసీయులు ఇన్ట్సిట్యూషనల్ క్వారంటైన్ లో ఉండాల్సి ఉంటుంది.