క్వాలిఫయింగ్ మ్యాచ్‌లో స్కాట్లాండ్‌పై అఫ్ఘానిస్తాన్‌ 14 పరుగుల తేడాతో విజయం సాధించింది. 171 పరుగుల విజయలక్ష్యంతో బరిలోకి దిగిన స్కాట్లాండ్ నిర్ణీత 20 ఓవర్లలో ఐదు వికెట్లు కోల్పోయి 156 పరుగులు చేసింది. స్కాట్లాండ్ చివరి వరకు పోరాడి ఓడింది. ఓపెనర్లు మూన్సే, కోట్జర్ తొలి వికెట్‌కు 84 పరుగుల భాగస్వామ్యాన్ని నమోదు చేసి గట్టి పోటీనిచ్చారు. తర్వాత బ్యాటింగ్ దిగిన మాచెన్ 31 బంతుల్లో 36 పరుగులు చేశాడు. ఓ దిశలో స్కాట్లాండ్ విజయం దిశగా రాణించారు. కానీ, అఫ్ఘానిస్తాన్ బౌలర్లు కట్టడి చేయడంతో స్కాట్లాండ్‌కు ఓటమి తప్పలేదు. రషీద్ రెండు వికెట్లు, మహ్మద్ రఫి, షన్వారీ చెరో వికెట్ తీసుకున్నారు.