యూఏఈ: ఫారెనర్స్ ఎంట్రీ, రెసిడెన్సీ చట్టాలను ఉల్లంఘించినవారికి చట్టపరమైన చర్యల నుంచి ఎలాంటి మినహాయింపులు లేవని యూఏఈ స్పష్టం చేసింది.సరైన డాక్యుమెంట్లు లేకుండా దేశంలో ఉంటున్నవారికి, రెసిడెన్సీ పర్మిట్ నిబంధనలు ఉల్లంఘించిన వారికి యూఏఈ క్షమాభిక్ష ప్రసాదించిందని, వారిపై చట్టపరమైన చర్యలు ఉండవంటూ సోషల్ మీడియాలో జరుగుతున్న ప్రచారాన్ని కొట్టిపారేసింది. తాము ఎవరికి మినహాయింపులు ప్రకటించలేదని యూఏఈ పౌర గుర్తింపు అధికార సమాఖ్య స్పష్టం చేసింది. సోషల్ మీడియాలో ఇలాంటి ప్రచారాలను మానుకోవాలని హితువు పలికింది. యూఏఈలోని ప్రతి ఒక్క ప్రవాసీయుడు రెసిడెన్సీ చట్టాన్ని ఖచ్చితంగా పాటించాల్సిన ప్రాముఖ్యతను తమ ప్రకటనతో చాటిచెప్పింది.