కువైట్: విదేశాల నుంచి కువైట్ ప్రయాణించేవారు సమర్పించే వ్యాక్సినేషన్ సర్టిఫికెట్లను పరిశీలించేందుకు కువైట్ ఆరోగ్య శాఖ ప్రత్యేకంగా ఓ బృందాన్ని ఏర్పాటు చేసింది. విదేశాల నుంచి కువైట్ చేరుకునే వారు వ్యాక్సిన్ తీసుకున్నట్లుగా నిర్ధారించుకునేందుకు సర్టిఫికెట్లను చూపించాల్సి ఉంటుంది. విదేశాల్లో వ్యాక్సిన్ తీసుకొని ఫిజికల్ గా గానీ, కువైట్ వెబ్ సైట్లోగానీ అప్ లోడ్ చేయాలి. అయితే ప్రయాణికులు చూపించే వ్యాక్సినేషన్ సర్టిఫికెట్లు సరైనవా, నకిలీవా అనేది ఆరోగ్యశాఖ ఏర్పాటు చేసిన ప్రత్యేక బృందం స్కృటిని చేస్తుంది. ఇదిలాఉంటే వివిధ దేశాల్లోని గుర్తింపు పొందిన పలు ల్యాబరేటరీల నుంచి తీసుకున్న పీసీఆర్ టెస్ట్ రిపోర్ట్ లను కువైట్ ఆమోదిస్తోందని మరోమారు స్పష్టం చేసింది. వ్యాక్సిన్ తీసుకున్న విదేశీ ప్రయాణికులు..కువైట్ చేరుకున్న మూడో రోజున మరోమారు పీసీఆర్ టెస్ట్ చేయించుకోవాల్సి ఉంటుంది. వ్యాక్సిన్ తీసుకోని వారు ఆరో రోజు కూడా మరోసారి పీసీఆర్ టెస్ట్ చేయించుకోవాలి.