" గండం గడిచి...పిండం బైట పడినట్లుగా.. " బుధవారం వరుకు ఏకధాటిగా కురిసిన భారీ వర్షాలు కాస్తంత తెరిపి ఇవ్వడంతో యునైటెడ్ అరబ్ ఎమరేట్స్ లో ప్రజల జీవనం తిరిగి యధాస్థానానికి చేరుకొంది.  వాతావరణ శాస్త్రం మరియు సీస్మాలజీ జాతీయ కేంద్రం తెలిపిన సమాచారం మేరకు  యుఎఇ లో రాబోయే రెండు రోజులలో వాతావరణ నివేదికను విడుదల చేసింది. దీని ప్రకారం .... అస్థిరత పరిస్థితులు అధిక మొత్తంలో మేఘాలు ఆవరించి ఉంటాయి. చిరు జల్లులతో కూడిన వర్షం చెల్లాచెదురుగా పడే అవకాశం ఉంది. కారుమేఘాలు మహోన్నతంగా  మారి, ఉత్తర మరియు తూర్పు ప్రాంతాల కు తరలడంతో క్రమక్రమంగా బలహీనపదే అవకాశాలు ఎక్కువ . సాపేక్ష ఆర్ద్రత  గాలిలో తేమ శాతం అధికంగా ఉంటుంది. ఈ పరిస్థితి  ముఖ్యంగా పశ్చిమ ప్రాంతాల్లో రాత్రి మరియు ఉదయాన్నే పెరుగుతుందని వివరించింది.