టిబెటియన్ ల ఆధ్మాత్మిక నాయకుడు దలైలామా త్వరలో ధర్మశాలకు తిరిగి రానున్నారు. అమెరికాలో ప్రొస్ట్రేట్ ఆపరేషన్ చేయించుకున్న ఆయన కోలుకుంటున్నారనీ, త్వరలో ధర్మశాలకు చేరుకుంటారని ప్రవాసంలో ఉన్న టిబెట్ ప్రధాని లోబ్ సాంగ్ సంగే ఈ రోజు తెలిపారు. టిబెట్ జాతీయ దినోత్సవం సందర్భంగా ఆయన ఇక్కడ విలేకరులతో మాట్లాడారు. చైనా నుంచి విడిపోవాలని టిబెటియన్లు కోరుకోవడం లేదనీ, కానీ టిబెట్ ప్రజలకు నిజమైన స్వయంప్రతిపత్తి కోరుతున్నామని ఆయన చెప్పారు. దీర్ఘకాలంగా అపరిష్కృతంగా ఉన్న టిటెట్ సమస్య చర్చల ద్వారా పరిష్కారం అవుతుందన్న విశ్వాసాన్ని ఆయన వ్యక్తం చేశారు.