అబుధాబి: రోజుకో వేరియంట్ తో దడ పుట్టిస్తున్న కోవిడ్ వైరస్ పై పోరాటంలో మోనోక్లోనల్ యాంటీబాడ్ డ్రగ్ 'సోట్రోవిమాబ్' సమర్ధవంతంగా పని చేస్తోంది. కోవిడ్ ట్రీట్మెంట్లో భాగంగా సోట్రోవిమాబ్ డ్రగ్ తీసుకున్న పేషెంట్లు 97 శాతం మంది కోలుకున్నట్లు యూఏఈ ఆరోగ్య మంత్రిత్వ శాఖ వెల్లడించింది. జూన్ 30 నుంచి జులై 13 మధ్య కాల వ్యవధిలో 6,175 మంది కోవిడ్ పేషెంట్లు ఆస్పత్రిలో చేరగా..సోట్రోవిమాబ్ తో 97 శాతం కోలుకున్నట్లు వివరించింది. అంతేకాదు..ట్రీట్మెంట్ తీసుకున్నవారిలో 99 శాతం మందికి ఐసీయూలో చేరాల్సిన అవసరం కూడా ఏర్పడలేదని పేర్కొంది. ​