తప్పుదోవ పట్టించే వివిధ రకాల ప్రకటనలపై వినియోగదారులు ఇక మీదట మొబైల్‌ మెసేజింగ్‌ యాప్‌ వాట్సాప్‌లోనూ ఫిర్యాదు చేయవచ్చని అడ్వర్టైజింగ్‌ స్టాండర్డ్స్‌ కౌన్సిల్‌ ఆఫ్‌ ఇండియా(ఏఎస్‌సీఐ) వెల్లడించింది. అభ్యతకరంగా, తప్పుదోవ పట్టించేలా ఉన్న ప్రకటనలపై వినియోగదారులు +91 77-100-12345 నెంబరుకు వాట్సాప్‌ ద్వారా ఫిర్యాదు చేయొచ్చని తెలిపింది. ప్రింట్‌ యాడ్స్‌, హోర్డింగ్స్‌ ఫొటోలు, వెబ్‌సైట్స్‌ యాడ్స్‌ స్క్రీన్‌షాట్స్‌, యూట్యూబ్‌ వీడియో లింక్స్‌ను వాట్సాప్‌ ద్వారా పంపించి ఫిర్యాదు చేయవచ్చు. ఏఎస్‌సీఐ బృందం ఫిర్యాదులను పరిశీలించి చర్యలు తీసుకుంటుందని ఏఎస్‌సీఐ ఛైర్మన్‌ బెనోయ్‌ రాయ్‌చౌదరి తెలిపారు.