పి.వాసు దర్శకత్వంలో కన్నడలో శివ రాజ్ కుమార్ హీరోగా చేసి సూపర్ హిట్ కొట్టిన సినిమా శివలింగ. హారర్ నేపథ్యంతో సాగే ఈ కథ మెచ్చిన తలైవా ఆ సినిమా చేసేందుకు ఇంట్రెస్ట్ చూపిస్తున్నాడంటూ కోలీవుడ్ మీడియా హడావిడి చేస్తుంది. అయితే అసలు విషయం ఏంటంటే ఆ సినిమా దర్శకుడు వాసు ఇదవరకు రజినితో చంద్రముఖి సినిమా తెరకెక్కించాడు. ఆ సినిమా తమిళంలోనే కాదు తెలుగులో కూడా ఓ రేంజ్ హిట్ సాధించింది. బాబా ఫ్లాప్ తో కెరియర్ అంతా అవకతవకలున్న రజిని చంద్రముఖి సినిమాతో మళ్లీ తన స్టామినా ఏంటో చూపించాడు. ఇక ఆ సినిమా నుండి రజినిని ఆపడం ఎవరి వల్లా కాలేదులేండి. అయితే ప్రస్తుతం లింగా ఫ్లాప్ తో మళ్లీ కెరియర్ కష్టాల్లో ఉన్న రజిని ప్రస్తుతం కబాలి, రోబో-2 సినిమాలు చేస్తున్నా కన్నడ శివలింగ మీద కూడా ఓ కన్నేశాడని తెలుస్తుంది.
ఇప్పటికే ఆ సినిమా చేయాల్సిందిగా వాసు రజినితో చర్చలు జరుపుతున్నాడట కూడా. కన్నడలో హిట్ అయిన శివలింగ సినిమా కచ్చితంగా తమిళ ప్రేక్షకుల మనసు కూడా గెలుచుకుంటుంది అని అభిప్రాయపడుతున్నాడు దర్శకుడు పి.వాసు. అయితే ఇప్పటికే లింగా అనే పేరుతో తీసిన సినిమా గురించి ఆ సినిమా ఫ్లాప్ అయినా ఆ సినిమా చేసిన గొడవల వల్ల ఇంకా అపవాదాలు మోస్తున్న రజిని మళ్లీ శివలింగా పేరుతో సినిమా తీస్తాడా అని డౌట్ పడుతున్నారు అభిమానులు. ఏది ఏమైనా కన్నడలో సూపర్ హిట్ అయిన శివలింగ తమిళ్ లో రీమేక్ చేయడం అంటూ జరిగితే అది రజినినే చేయాలని అంటున్నాడట పి.వాసు మరి వాసు మాట కాదనలేక రజినికాంత్ ఆ సినిమా చేస్తాడా లేదా అన్నది మరికొద్దిరోజుల్లో తెలుస్తుంది. అది కాక రజిని ఒకవేళ ఆ సినిమా ఓకే చేసినా మరో సంవత్సరం దాకా కమిట్ అయిన సినిమాల కోసం వెయిట్ చేయాల్సిందే.