కువైట్: రోడ్లపై కార్లను పార్క్ చేసి వాటిని పట్టించుకోకుండా వదిలేసిన వారిపై జాహ్రా మున్సిపాలిటీ చర్యలు షురూ చేసింది. మున్సిపాలిటీలో క్షేత్రస్థాయి పర్యటన చేపట్టిన అధికారులు...రోడ్లపై వదిలేసిన పాడుబడిన 18 కార్లను స్వాధీనం చేసుకున్నారు. పాడుబడిన కార్లను అలా రోడ్లపై వదిలేయటం వల్ల సిటీ క్లీన్ ఇమేజ్ కు భంగం కలగటమే కాకుండా ట్రాఫిక్ కు కూడా ఇబ్బంది కలుగుతోందని అధికారులు ఆగ్రహం వ్యక్తం చేశారు. స్వాధీనం చేసుకున్న 18 కార్ల ఒనర్లపై కేసులు బుక్ చేశారు. అంతేకాదు జాహ్రామున్సిపాలిటీలోని అన్ని ప్రాంతాల్లో క్షేత్రస్థాయి పర్యటన ఉంటుందని, ఉల్లంఘించిన వారిపై చర్యలు తీసుకుంటామని అధికారులు తెలియజేశారు.