కువైట్: దేశంలో కరోనా పరిస్థితులపై ప్రైమ్ మినిస్టర్ షేక్ సబా ఖాలిద్ అల్ అమాద్ అల్ సబా క్యాబినెట్ సమావేశం నిర్వహించారు. ఈ సమావేశంలో, దేశంలో నెలకొన్న పరిస్థితుల గురించి చర్చించారు. వ్యాక్సినేషన్ ప్రక్రియ మరింత వేగంగా జరగాలని ప్రైమ్ మినిస్టర్ అభిప్రాయపడ్డారు. ఈ సందర్భంగా హెల్త్ మినిస్టర్ మాట్లాడుతూ, రోజూ 100,000 కు పైగా వ్యాక్సినేషన్ అపాయింటుమెంట్లు ఇస్తున్నట్లు చెప్పారు. కాగా, దేశ వ్యాప్తంగా వ్యాక్సినేషన్ కేంద్రాలను మరింత పెంచాలనీ, ఆసుపత్రుల్లో మెరుగైన సేవల్ని ఇంకా పెంచాలనీ ప్రైమ్ మినిస్టర్ సూచించారు.