యూఏఈ: 3 నుంచి 15 ఏళ్ళ లోపు వయసువారికి వ్యాక్సినేషన్ అనేది తప్పనిసరి కాదనీ, అది ఆప్షనల్ అనీ మినిస్ట్రీ ఆఫ్ హెల్త్ అండ్ ప్రివెన్షన్ వెల్లడించింది. 3 నుంచి 11 ఏళ్ళ వయసు వారికోసం సినోఫామ్ వ్యాక్సిన్‌కి అనుమతినివ్వడం జరిగిందని మినిస్ట్రీ పేర్కొంది. 12 నుంచి 15 ఏళ్ళ లోపువారికి సినోఫోమ్ లేదా ఫైజర్ బయో ఎన్ టెక్ వ్యాక్సిన్ అనుమతించారు. పలు రకాలైన క్లినికల్స్ ట్రయల్స్ ఫలితాలను విశ్లేషించిన తర్వాత చిన్నారులకు వ్యాక్సిన్పై అత్యవసర అనుమతులు మంజూరు చేయడం జరిగింది. 46 హెల్త్ సెంటర్లలో వ్యాక్సిన్లు అందుబాటులో వుంటాయి. షార్జాలో 19, ఫుజారియాలో 10, రస్ అల్ ఖైమాలో 9, అజ్మన్‌లో 4, ఉమ్ అల్ కువైన్ 3, దుబాయ్‌లో ఒకటి వ్యాక్సినేషన్ కేంద్రం (హెల్త్ సెంటర్) వుంది.