మస్కట్: మినిస్ట్రీ ఆఫ్ ట్రాన్స్‌పోర్ట్, కమ్యూనికేషన్స్ మరియు ఇన్ఫర్మేషన్ టెక్నాలజీ, ఓటాక్సీ సర్వీసెస్, యాప్ ద్వారా నిర్వహించేందుకు అనుమతివ్వడం జరిగింది. ముసాందం గవర్నరేట్‌లో వీటికి అనుమతిచ్చారు. ఈ గవర్నరేట్‌లో టూరిజం అభివృద్ధికి అలాగే కమర్షియల్ యాక్టివిటీ పెరిగేందుకు తీసుకుంటున్న చర్యల్లో భాగంగా యాప్ ఆధారిత ట్యాక్సీ సేవలకూ అనుమతిచ్చినట్లు అధికారులు తెలిపారు. ఓటాక్సీ ద్వారా సమీపంలో వున్న ట్యాక్సీ సౌకర్యం ఆన్‌లైన్ విధానం ద్వారా పొందే అవకాశం లభిస్తుంది. డ్రైవర్ అలాగే ట్రిప్ ఖరీదు వంటి వివరాలు ముందే తెలుస్తాయి వినియోగదారుడికి.