అంతర్జాతీయ పౌర వైమానిక ప్రదర్శనకు హైదరాబాద్ నగరం మరోమారు వేదిక కాబోతుంది. 5వ అంతర్జాతీయ పౌర విమాన ప్రదర్శన ఈ నెల 16 నుంచి 20 వరకు 5 రోజుల పాటు నగరంలో జరగనుంది. బేగంపేట విమానాశ్రయంలో ఈ ప్రదర్శనను నిర్వహించనున్నారు. ప్రతీ రెండేళ్లకోసారి ఈ ప్రదర్శనను నిర్వహిస్తున్నారు. భారత పౌర విమానయానశాఖ, ఫెడరేషన్ ఆఫ్ ఇండియన్ ఇండస్ట్రీ (ఫిక్కీ)లు సంయుక్తంగా ఈ ప్రదర్శనను నిర్వహించనున్నాయి. ఇండియన్ సివిల్ ఏవియేషన్ సెక్టార్ పొటెన్షియల్ యాజ్ గ్లోబల్ మ్యాన్యుఫాక్చరింగ్ అండ్ ఎంఆర్‌వో హబ్ థీమ్‌తో ఈ ఏడాది ఏవియేషన్‌షోను నిర్వహించనున్నారు.