చెమట పట్టడం ప్రతి ఒక్కరికీ సర్వసాధారణం. చెమట పట్టడం అనేది చెడ్డేమీ కాదు. ఇది శరీరానికి, ఆరోగ్యానికి చాలా మంచిది. కాని చెమటతోబాటు దుర్గంధం రావడం కాస్త ఇబ్బందికరమైన విషయం. ఇలాంటి సమస్య అతి కొద్దిమందిలో మాత్రమే ఉంటుంది. చెమట ఎండిపోయిన తర్వాత చర్మం నుంచి యూరియా లేక్ ఉప్పులాంటి కారకాలు అధికంగా స్రవించి రోగ కారకాలను ఆకర్షిస్తాయి. ఇవే దుర్గంధానికి మూల కారణమవుతాయి. ఇంకా ఒత్తిడి మరియు మెనుష్ట్రువేషన్ కూడా చెమటకు ప్రధాణ కారణాలు. అంతే కాదు వేసవి సీజన్ లో ఉపయోగించే అదనపు డియోడరెంట్స్ కూడా శరీరం దుర్వాస రావడానికి ప్రధాణ కారణాలవుతున్నాయి. కొంతమందికి అత్యధిక చెమట వచ్చినా కూడా దుర్వాసన రాదు. కాని కొంతమందిలో చెమట తక్కువగా వచ్చినా కూడా దుర్గంధం భరించరానంతగా వుంటుంది. దీనినుండి బయట పడటం ఏమంత కష్టం కాదు. అధిక చెమటను తగ్గించుకోవడానికి కొన్ని మంచి మార్గాలున్నాయి. ముఖ్యంగా ఆరోగ్యం మీద ప్రత్యేక శ్రద్ద తీసుకోవడం, వ్యక్తిగత పరిశుభ్రతను పాటించడంతో పాటు, ఆహారంలో మార్పులు చేసుకోవడం వల్ల ఈ సమస్యను నుండి బయటపడవచ్చు. మీ ఫుడ్ లిస్ట్ లో కొన్ని ఆహారాలను మార్పు చేసుకోవడం వల్ల అది సాధ్యం అవుతుంది.