'సర్దార్ గబ్బర్ సింగ్' విడుదల తేది దగ్గర పడుతున్న కొద్ది ఈసినిమా క్రేజ్ ను పెంచడానికి ఎన్ని ప్రయత్నాలు చేయాలో అన్ని ప్రయత్నాలు చేస్తున్నారు. ఇప్పటి వరకు వచ్చిన పవన్ కళ్యాణ్ సినిమాలకు భిన్నంగా ఈసినిమా ప్రమోషన్ ను చాల డిఫరెంట్ గా చేస్తూ అందరి దృష్టిని ఆకర్షిస్తున్నారు. లేటెస్ట్ గా విడుదలైన 'సర్దార్ గబ్బర్ సింగ్' మేకింగ్ వీడియోతో పాటుగా ఈ సినిమాకు సంబంధించిన కొన్ని లేటెస్ట్ స్టిల్స్ ను ప్రతిరోజు విడుదల చేస్తూ ఈసినిమా పై అంచనాలు పెంచుతున్నారు. దీనితో పవన్ అభిమానులలో ఈసినిమా పై క్రేజ్ ఒక హిస్టీరియలా డెవలప్ అయింది. ఇది ఇలా ఉండగా ఈసినిమాకు సంబంధించి లేటెస్ట్ గా విడుదల చేసిన ఒక స్టిల్ పవన్ అభిమానులను విపరీతంగా ఆకర్షిస్తోంది.లేటెస్ట్ గా మీడియాకు విడుదల చేసిన ఈఫోతోలో పవన్ ఒక్కడు ఖాకీ దుస్తులు ఎర్ర రుమాలుతో కనిపిస్తుంటే మిగతా వాళ్లందరూ విచిత్రమైన డ్రెస్సుల్లో కనిపిస్తున్నారు. కాశీ విశ్వనాథ్, రఘుబాబు, తనికెళ్ల భరణి, బ్రహ్మానందం, ఆలీ, బ్రహ్మాజీ, నర్రా శీను, కృష్ణభగవాన్, ప్రభాస్ శీను ఈ ఫొటోలో కనిపిస్తున్నారు. వీళ్లంతా ఒక్కొక్కరు ఒక్కో రకమైన డ్రెస్ లో కనిపిస్తూ ఉంటే 'సర్దార్' సెట్ పై పవన్ చిరంజీవి పాటల అంత్యాక్షరితో పాటు పవన్ ఈసినిమా సెట్ పై ఫ్యాన్సీ డ్రెస్ కాంపిటీషన్ పెట్టాడా అంటూ కొందరు సెటైర్లు వేస్తున్నారు. ఇది ఇలా ఉండగా ఈ వారం జరగబోతున్న 'సర్దార్ గబ్బర్ సింగ్' ఆడియో వేడుకకు చిరంజీవి వచ్చే విషయంలో ఇంకా స్పష్టమైన నిర్ణయం రాలేదు అన్న వార్తలు హడావిడి చేస్తూనే ఉన్నాయి..