కువైట్: డొమస్టిక్ వర్కర్ల నియామకాలను అనధికారంగా నిర్వహిస్తున్న అఫీస్ పై రెసిడెన్సీ అఫైర్స్ ఇన్వెస్టిగేషన్ డిపార్ట్‌మెంట్ జనరల్ అడ్మినిస్ట్రేషన్ దాడులు నిర్వహించింది. ఈ అఫీస్ కేంద్రంగా రెసిడెన్సీ చట్టాల ఉల్లంఘనలు జరిగినట్లు, నియామకాలు అనధికారికంగా, మోసపూరితంగా జరుగుతున్నట్లు గుర్తించి ఒక అరబ్ వ్యక్తిని అరెస్ట్ చేసింది. అలాగే రెసిడెన్సీ ఉల్లంఘనలకు పాల్పడిన 12 మంది అసియన్లను అదుపులోకి తీసుకుంది. రిక్రూట్మెంట్ ఆఫీస్ ముసుగులో నివాస అనుమతులు లేని వారికి ఆశ్రయం కల్పించటమే కాకుండా..కార్మిక చట్టాలకు విరుద్ధంగా నియామకాలను చేపడుతున్నట్లు అందిన సమాచారంతో సోదాలు నిర్వహించినట్లు అధికారులు వెల్లడించారు. నిందితులపై చట్టపరమైన చర్యలు తీసుకునేందుకు వారిని సంబంధిత అధికారులకు అప్పగించటంతో పాటు రెసిడెన్సీ చట్టాలను ఉల్లంఘించిన వారిని దేశం నుంచి పంపించేలా చర్యలు తీసుకుంటున్నట్లు తెలిపారు.