మనామా: బహ్రెయిన్‌లో గత నెల.. అంటే, ఆగస్టు నెల అత్యంత వేడిమిగల ఆగస్టు నెలగా రికార్డులకెక్కింది. గడచిన 119 ఏళ్ళలో ఆగస్టు నెలలో సగటున ఇంత స్థాయిలో అధిక ఉష్ణోగ్రత నమోదవడం ఇదే తొలిసారి. 1902 నుంచి గణాంకాలు తీసుకుంటే 2017 ఆగస్టులో 36.6 డిగ్రీల సెల్సియస్ నమోదయ్యింది. 2021 ఆగస్టులో 36.8 డిగ్రీల సెల్సియస్ నమోదయ్యింది సగటున. ఈ నెలలో నమోదయిన అత్యధిక ఉష్ణోగ్రత (మీన్ మ్యాగ్జిమమ్ టెంపరేచర్) 41.8 డిగ్రీల సెల్సియస్ కాగా, 2017లో 41.4 డిగ్రీల సెల్సియస్ నమోదయ్యింది. ఆగస్ట్ నెలలో 26 రోజులపాటు 40 డిగ్రీలపైన ఉష్ణోగ్రతలు నమోదయ్యాయి.